بائک سواروں نے سابق آئی پی ایس افسر کی پٹائی کی

ریاست بہار کے دارلحکومت پٹنہ کے جگن پورا علاقے میں بائک سواروں نے سابق آئی پی ایس افسر کی سرعام جم کر پٹائی کردی۔ حملے میں آئی پی ایس افسر زخمی ہوگئے۔

اطلاعات کے مطابق ریٹائیرڈ آئی پی ایس افسر اجئے ورما اپنی بیوی اور بیٹے کے ساتھ خریداری کرنے گئے تھے۔جب وہ واپس لوٹ رہے تھے تب جگن پورا کے قریب ایک بائک سوار نے ان کی کار میں ٹکر مار دی۔
اجئے ورما نے بائک سوار کی گاڑی سے کنجینکال لی۔اس کے بعد نوجوان نے فون کر اپنے دوستوں کو بلا لیا اور ان بائک سواروں نے آئی پی ایس افسر کی خوب پٹائی کردی۔

بائک سواروں نے انکی بیوی اور بیٹے کے ساتھ بدسلوکی بھی کی۔رام کرشن نگر پولیس اسٹیشن میں اس حادثے کی اطلاع ملتے ہی پولیس زخمی سابق آئی پی ایس افسر کو اسپتال لے گئی۔پولیس معاملے کی تفتیش کررہی ہے اور حادثے کی جگہ پر لگے تمام سی سی ٹی وی کیمروں کی مدد سے ان بائک سواروں کی تلاش کررہی ہے۔ایس ایس پی گریم ملک نے اس معاملے کے بارے میں بتایا کہ سابق آئی پی ایس کی کار سے ایک بائک ٹکرا گئی تھی۔اس کے بعد دونوں طرف سے بحث ہوئی، جس میں نوجوان نے ان کی پٹائی کردی۔انہوں نے کہا پولیس معاملے کی تفتیش کررہی ہے اور جلد ہی ملزمین کو گرفتار کیا جائے گا۔