کیمور ضلع سے انتہائی افسوس ناک خبر سامنے آرہی ہے۔ چین پور تھانا کے ناٶڈیہ گاٶں میں ایک خاتون نے اپنے پڑوس کے پانچ سال کے بچہ کا گلا ریت کر سفاکانہ طریقے سے قتل کر ڈالا ۔
قتل کی اس واردات کو انجام دینے کے بعد بھاگ رہی خاتون کو لوگوں نے پکڑ لیا اور جم کر اس کی پٹائی کردی، جس سے عورت بری طرح زخمی ہوگئی۔
اطلاع کے مطابق ناٶڈیہ گاٶں میں رہنے والی سیتا دیوی نام کی ایک خاتون نے گاٶں کے ہی کنتی دیوی کے پانچ سال کے لڑکے کو بہلا پھسلا کر اپنے گھر لے گٸی اور بچے کے ہاتھ پیر کو چوکی سے باندھ کر تیز اسلحہ سے بچہ کا قتل کر ڈالا۔ اس واردات کی خبر تب ملی جب بچے کے والدین نے اس کی تلاش شروع کی۔ جس کے بعد کسی نے اطلاع دی کہ بچہ کو سیتا دیوی کے ساتھ دیکھا گیا ہے جب تک والدین سیتا دیوی کے گھر پہنچتے تب تک بچے کی موت ہوچکی تھی۔
ابھی تک قتل کی وجہ کی تصدیق نہیں ہوپائی ہے۔ پولیس معاملہ کی تحقیقات کرنے میں مصروف ہے۔
