بہار کے شہر دربھنگہ میں بے خوف مجرمین نے بڑا بازار علاقے میں دن دہاڑے سونے کے ایک تاجر کی دکان سے لوٹ کی ایک بڑی واردات کو انجام دی ہے۔
بدھ کی صبح میں ڈگرو سیٹھ جویلرس کی ضمنی شاخ النکار جویلرس پر جب دکان مالک، دکان کھولنے ہی جارہا تھا تب ہی تقریباً آٹھ تا دس ملزمین آپہنچے اور بندوق کی نوک پر ان کی تجوری کھلواکر سارے زیورات لوٹ لیے۔ اس کے بعد ملزمین 25 تا 30 راؤنڈ فائر کرکے جائے واردات سے فرار ہوگئے۔
اطلاع ملتے ہی علاقے کے پولیس افسران جائے واردات پر پہنچے اور اپنی کارروائی کا آغاز کیا۔
حالانکہ دکان میں نصب سی سی ٹی وی کیمرے میں یہ پوری واردات قید ہوگئی ہے اور اسی بنأ پر پولیس چھاپہ مار کارروائی کررہی ہے۔
بتایا جارہا ہے کہ پولیس تھانے سے محض 600 میٹر کی دوری پر واقع اس دکان میں لوٹ کی واردات انجام دی گئی ہے جس سے پولیس بندوبست پر بھی سوال اٹھنے لگے ہیں۔
