ریاست بہار میں ضلع گیا کے نکسل متاثرہ علاقے کے ڈومریا بلاک کے میگرا بازار میں واقع سبزی کی دوکان میں شرپسندوں نے آگ لگا دی جس سے لاکھوں کی مالیت جل کر خاک ہو گئی ۔
دکانداروں نے بتایا کہ سازش کے تحت شر پسندوں نے پیٹرول ڈال کر دکان کو آگ کے حوالے کر دیا جس کے بعد میگرا پولیس تھانہ میں نامعلوم افراد کے خلاف شکایت درج کرائی گئی ہے ساتھ ہی اس معاملے کی شکایت سرکل افسر سے بھی کی گئی ہے ۔
اطلاع کے مطابق یہ دوکانیں گیا ڈومریا پٹنہ شاہراہ کے کنارے شیو مندر کے قریب نالے پر تھی جہاں پر سرپسندوں کی طرف سے لاچاراور غریب دکانداروں سے زبردستی فروتی کی مانگ کی جارہی تھی۔
دکانداروں نے فروتی دینے سے انکار کردیا تو سرپسندوں نے ایک لائن میں قریب 5 سبزیوں کی دکانوں میں آگ لگا دی گئی۔
جن کی دوکان جلی ہے ان میں محمد شہزاد ، محمد اسلم میاں ، عبدالجبار میاں ، محمد شہاب الدین میاں ، محمد رفو اور لالو ساؤ کی دوکان ہے جو جلا کر راکھ کردی گئی ہے ۔
