ریاست بہار میں پانچویں مرحلے کے لیے انتخابات کی تیاریاں مکمل ہو چکی ہیں۔
اس دفعہ سیتامڑھی، مدھوبنی، مظفرپور، حاجی پور اور سارن پارلیمانی حلقے میں انتخابات ہو رہے ہیں۔
تما پولنگ بوتھ پر صبح کے 7 بجے سے شام کے 7 بجے ووٹنگ کا عمل جاری رہے گا۔
ریاست کے ایڈیشنل چیف الیکشن کمشنر سنجے کمار سنگھ نے بتایا کہ پانچویں مرحلے میں امیدواروں کی تعداد 82ہے۔
اس میں 6 عورتیں شامل ہیں انتخابی تشہیری مہم کا شور تھم گیا آئندہ 6 مئی کو 87 لاکھ 66 ہزار 722 افراد حق رائے دہی کا استعمال کریں گے۔
ان میں 16 ہزار 875 سروس ووٹرز بھی شامل ہیں، ان میں 46لاکھ 62 ہزار 380 مرد رائے دہندگان اور 40لاکھ 87, ہزار 242 عورتیں شامل ہیں۔
سنجے کمار سنگھ نے مزید کہا کہ نیم فوجی دستے اور پولیس اہلکار کے علاوہ متعلقہ ملازمین اپنے اپنے ضلع میں پہنچ چکے ہیں اس انتخاب کے دوران 8 ہزار 899 پولنگ مراکز قائم کیے گئے ہیں ۔
جن میں 8 ہزار 899 وی وی پیٹ استعمال کیے جائیں گے الیکشن کمیشن کے مطابق اس بار تین پارلیمانی حلقوں میں پندرہ سے زیادہ امیدوار ہے اس لیے اس بار 14 ہزار 260 بیلٹ یونیک کا نظم کیا گیا ہے۔
صاف شفاف انتخاب کرانے کے لئے الیکشن کمیشن نے 65 ہزار ملازمین اور 4 ہزار 349 مائیکرو آبزرور کو تعینات کیا ہے۔
اس کے علاوہ 400 جگہوں پر ویب کاسٹنگ کا بھی نظم کیا گیاہے ویشالی اور سارن کے دیارہ نامی علاقے میں گھوڑ سوار دستے اور کشتی سے نگرانی کی جائے گی۔
