سیمانچل گاندھی تسلیم الدین کے صاحبزادے و ارریہ کے سابق رکن پارلیامن محمد سرفراز عالم نے شہریت ترمیمی قانون (سی اے اے) پر اظہار خیال کرتے ہوئے کہا کہ آج جتنے بھی سیکولر لوگ اور پارٹیاں ہیں انہیں سڑک پر آجانا چاہیے۔
انہوں نے مزید کہا کہ جے ڈی یو کے نقاب پہنے ہوئے ہیں اصلی چہرہ تو وہی ہیں . بھاجپا تو کھلے توڑ پر ہمارا مخالف ہے.
سرفراز نے کہا کہ موجودہ سرکار ہر میدان میں ناکام ثابت ہورہی ہے. ملک میں روزگار نہیں ہے، بےروزگاری کو چھپانے کے لئے سرکار نئے نئے ہتھکنڈے اپنا رہی ہے. 45 برس بنام 5 برس میں جتنی بےروزگاری ہوئی وہ پہلے کبھی نہیں ہوئی. جی ڈی پی گر گئی، مہنگائی آسمان چھو رہی ہے، خواتین محفوظ نہیں ہیں، سرکار اپنی ان ناکامیوں کو چھپانے کے لئے سی اے اے قانون لائی ہے تاکہ عوام کا ذہن بھٹکایا جا سکے۔
سرفراز عالم نے کہا کہ جب جب سالمیت پر، سیکولرزم پر انگلی اٹھی ہے ہم نے دامن تھاما ہے، ہم سیکولر لوگ ہیں، ملک میں امن و امان قائم رہے، آپسی بھائی چارگی کو تقویت ملے یہی ہماری کوشش رہتی ہے.
انہوں نے کہا کہ آج امت شاہ اور مودی جی کی قیادت میں ملک کو جلا رہا ہے، آسام جل رہا ہے اور یہ آگ دھیرے دھیرے پورے ملک میں پھیل رہی ہے ضرورت اس بات کی ہے کہ ملک کو نفرت کی آگ سے بچایا جائے، پہلے روٹی، کپڑا، روزگار اور ترقی کے مواقع ملنے چاہیے.
