اب ریاست میں مرکزی حکومت کی گائیڈ لائنس کے مطابق رواں برس کے جولائی2020 میں اسکول کھولے جا سکتے ہیں۔
لاک ڈاون کے زمانہ میں آن لائن کلاسیز میںبچوں کو سلیبس کے مطابق پڑھایا گیا ہے۔
پرائویٹ اسکولز کے ساتھ ساتھ بہار کے تمام سرکاری اسکولز میں آن لائن تعلیم دی جاتی رہی ہے۔
تاہم ماہرین تعلیم کی رائے ہے کہ کلاس روم میں دی جانے والی تعلیم کا مقابلہ آن لائن کلاسیز نہیں لے سکتی ہیں۔اس لیے حکومت نے اب اسکولز کو دوبارہ کھولنے کا فیصلہ کیا ہے۔
دارالحکومت پٹنہ کے ایک پرائیوٹ اسکول کے پرنسپل ڈاکٹر راجیو رنجن کا کہنا ہے کہ 25 فیصدی سلیبس کم کیا جا رہا ہے، صرف ضروری چیزوں کی تعلیم ہی بچون کو دی جا رہی ہے۔
جب کہ پرنسپل آنند پرکاش کا کہنا ہےکہ تین مہینے کا وقت جو لاک ڈاوں کی وجہ سے برباد ہوا ہے، اس کی بھرپائی نہیں کی جاسکتی ہے۔لہذا سلیبس میں کمی کرنا ناگزیر ہے۔
اس بارے ای ٹی وی بھارت ایک خصوصی رپورٹ تیار کی ہے، جسے یہاں پیش کیا جا رہا ہے۔
