یہ قتل اس قدر خفیہ طریقہ سے انجام دیا گیا کہ گھر میں سوئے ہوئے افراد خانہ کو بھی اس کی خبر نہیں ہوپائی۔
اس معاملے میں ، پولیس اہل خانہ اور پڑوسیوں سے پوچھ گچھ کررہی ہے۔ متوفی جوڑے کی شادی دس ماہ قبل ہوئی تھی۔
علی الصباح ایک گھر میں دوہرے قتل کے بعد مشرقی چمپارن ضلع میں سنسنی پھیل گئی۔
یہ واقعہ سگاولی پولیس اسٹیشن کے علاقے میں واقع چپرا کے 'بہاس لالہ ٹولہ' کا ہے۔ جہاں گھر میں شوہر اور بیوی کی لاش ان کے بستر سے برآمد ہوئی۔
بیوی کو تیز دھار والے ہتھیار سے قتل کیا گیا جب کہ شوہر کا شال سے گلا دبا کر قتل کیا گیا۔
مقامی افراد نے پولیس کو واقعے کی اطلاع دی۔
اطلاع ملتے ہی اے ایس پی ونیت کمار، پولیس اہلکاروں کے ساتھ جائے واقعہ پر پہنچے۔
متوفی کا نام تبریز عالم ہے جو مزدوری کا کام کرتا تھا۔
خیال رہے کہ تبریز اور ہاشم النسأ کی شادی دس ماہ قبل ہوئی تھی اور وہ آٹھ ماہ کی حاملہ تھیں۔
پولیس نے قتل میں استعمال ہونے والا چاقو برآمد کر لیا ہے۔ تاہم گھر میں موجود افراد کو اس واقعے کی خبر تک نہیں ہو سکی۔
پولیس کی جانب سے اس حادثہ کی تحقیقات کی جا رہی ہے۔ فی الحال پولیس کوئی بھی بیان دینے سے گریز کررہی ہے۔
