ریاست بہار کے شہر مکامہ کے ٹال علاقے میں دو نوجوانوں کو بے دردی سے قتل کردیا گیا۔ واقعے کے بعد علاقے میں سنسنی پھیل گئی۔ رورل سپرنٹنڈنٹ پولیس کانتش مشرا کی سربراہی میں پولیس فورس جائے وقوعہ پر پہنچ کر تفتیش کر رہی ہے۔
یہ واقعہ تھانہ غوثوری علاقے کے گاؤں دھنکڈوبھ میں پیش آیا ہے۔ دونوں نوجوانوں کی لاش دھنکڈوبھ پنچایت کے مشرقی حصے سے ملی ہیں۔ ہلاک ہونے والوں کی شناخت سولجر مانجھی اور گولو مانجھی کے نام سے ہوئی ہے۔ لاش ملنے کی اطلاع علاقے میں آگ کی طرح پھیل گئی۔ اس کے بعد موقع پر گاؤں کے لوگوں کا ہجوم آگیا۔
یہ دوہرا قتل انتہائی بے رحمانہ طریقے سے انجام دیا گیا ہے۔ دونوں نوجوانوں کا پہلے شدید پٹائی کیا گیا اور پھر ان کی گردن میں گمچھا باند کر قتل کردیا گیا۔ وہیں منہ میں سریہ ڈالنے کا معاملہ بھی سامنے آرہا ہے۔ دونوں کے چہروں پر چوٹ کے بھی بہت سے نشانات ہیں۔
اطلاع ملتے ہی متعدد تھانوں کی پولیس فورس موقع پر پہنچ گئی۔ اعلی عہدیداروں کی ٹیمیں موقع پر موجود ہیں۔ اسسٹنٹ سپرنٹنڈنٹ پولیس امبیریش راہول اور پٹنہ کے رورل سپرنٹنڈنٹ کانتش مشرا بھی موقع پر پہنچ گئے ہیں۔ معاملے کی تحقیقات کی جارہی ہیں۔ لاشوں کو قبضہ میں لے کر پوسٹ مارٹم کے لیے بھیج دیا گیا ہے۔
