ڈاکٹر کی خودکشی

مہلوک آیورویدک ڈاکٹر تھے، اس کے علاوہ پراپرٹی ڈیلر کا بھی کام کرتے تھے۔

بھارت کی ریاست بہار کے دربھنگہ ضلع کے لہریا سرائے تھانہ حلقہ کے مدار پور محلہ میں آج اس وقت سنسنی پھیل گئی جب سستی پور ضلع کے محمودا گاؤں کے رہنے والے ڈاکٹر راجیش کمار سنگھ عرف ببلو سنگھ نے اپنے کرائے کے مکان میں خود کو اپنے پرائیویٹ لائسینس پستول سے گولی مار اور موقع پر ہی ان کی موت ہو گئی۔

مہلوک آیورویدک ڈاکٹر تھے۔ اس کے علاوہ پراپرٹی ڈیلر کا بھی کام کرتے تھے۔

مہلوک کے لڑکے ستیم کمار نے کہا کہ ان کے والد پراپرٹی کے کاروبار میں خسارے سے پریشان تھے، اور اس سے قبل بھی انہوں نے ایک بار خودکشی کی کوشش کی تھی-

موقع پر پہنچی مقامی پولیس نے ڈاکٹر کی لاش کو پوسٹ مارٹم کے لئے ہسپتال بھیج دیا۔ پولیس نے موقع واردات سے نیجی پستول اور 16 گولیاں بھی برآمد کئیں۔