ریاست بہار کے کیمور ضلع میں میڈیا سے خطاب کرتے ہوئے ضلع مجسٹریٹ ڈاکٹر نول کشور چودھری نے کسانوں کو انتباہ دیا ہے کہ لاک ڈاٶن کے دوران کسان اپنی فصل کی کٹائی کر سکتے ہیں بشرطیکہ انہیں بھی سوشل ڈسٹنس کا خیال رکھنا ہوگا۔
انھوں نے مزید کہا کہ گیہوں کی فصل کی کٹائی کرتے وقت کم از کم ڈیڑھ میٹر کی دوری کا فاصلہ رکھنا ہوگا۔ کھیتوں میں لگی فصل تیار ہے اگر کسان ابھی اس کی کٹائی نہیں کرتے ہیں تو انھیں بھاری نقصان اٹھانا پڑے گا اور ریاستی حکومت نے کسانوں کو گیہوں کی فصل کاٹنے کی اجازت دے دی ہے۔
دوسری جانب ضلع مجسٹریٹ نے کسانوں کو کھلے الفاظ میں انتباہ دیا ہے کہ کسان کسی بھی حال میں گینہوں ودیگر فصلوں کے ڈنٹھل نہ جلائیں کیونکہ ماحولیات کے تحفظ کے پیش نظر پرالی جلانے پر پابندی عائد ہے۔ اور اگر کوئی کسان ایسا کرتا ہے تو اس کے خلاف قانونی کارروائی کی جائے گی۔
