بہار کے ضلع کیمور کے بھبھوا میں فیئر پرائس ڈیلرز ایسوسی ایشن کی جانب سے آج ایک اجلاس کا انعقاد کیا گیا۔
اس اجلاس میں 20 فروری سے 13 مارچ تک ضلع کیمور کے مختلف بلاکس میں بلاک صدر اور ڈیلر ایسوسی ایشن کے ضلعی صدر کے انتخاب کرانے کا فیصلہ لیا گیا۔
اس موقع پر درجنوں ڈیلر کیمور کے فیئر پرائس ڈیلرز ایسوسی ایشن کے ضلعی صدر رمضان انصاری کے دفتر پہنچے جہاں سب نے بیٹھ کر انتخابات کی تاریخ کا متفقہ فیصلہ کیا۔
اس تعلق سے کیمور ڈسٹرکٹ فیئر پرائس ڈیلرز ایسوسی ایشن کے صدر رمضان انصاری نے بتایا کہ اب وقت آگیا ہے کے انتخاب کرایا جائے۔
مزید پڑھیں:
گیا میں ہجومی تشدد کا معاملہ، جائزہ لینے پہنچی کمیشن کی ٹیم
وہیں انہوں نے بتایا کہ چین پور بلاک سے رام پیارے یادو کے خلاف کئی شکایتیں آئی تھی اس پر فوری کارروائی کرتے ہوئے چین پور کے چیئرمین رام پیارے یادو کو معطل کردیا گیا۔
فی الحال کمیٹی کی جانب سے الیکشن ہونے تک فیئر پرائس ڈیلرز ایسوسی ایشن کا کنوینر ببن سنگھ کشواہا کو بنایا گیا ہے ان کی نگرانی میں چین پور میں الیکشن ہوگا۔
