بہار میں سپول ضلع کے صدر بلاک علاقے میں آئی آندھی سے ایک مکان کے گر جانے سے ایک خاتون کی دب کر موت ہوگئی جبکہ ابھی تک علاقے میں پاور سپلائی بھی متاثر ہے۔
پولیس ذرائع نے آج یہاں بتایا کہ ضلع کے صدر بلاک میں کل دیر رات آندھی بارش کے آنے سے بجلی کے تقریباً 100 کھمبے گرگئے جس سے کئی علاقے کی پاور سپلائی ٹھپ ہو گئی ہے ۔
اس دوران پاور گرڈ اسٹیشن میں بھی تکنیکی خرابی آگئی ۔ وہیں اس واقعہ کے پیش نظر بلوا گاؤں میں ایک گھر کے منہدم ہونے سے آشا دیوی کی دب کر موت ہوگئی۔
ذرائع نے بتایا کہ آندھی سے سپول صدر اسپتال کو بھی نقصان پہنچا ہے۔کورونا وائرس کی وجہ سے اسپتال میں بند پڑے او پی ڈی سروس کو آج سے ڈسٹرکٹ مجسٹریٹ کے حکم سے شروع ہونا تھا، لیکن آندھی سے ہوئے نقصان کی وجہ سے اسے شروع نہیں کیا جاسکا۔ پاور سپلائی بحال کرنے کے لئے محکمے کے افسر اور ملازمین کوشش کررہے ہیں۔
