اطلاعات کے مطابق ان اضلاع میں دربھنگہ، سمستی پور، مدھوبنی، سیتا مڑھی، بیتیا، بگہا، مظفرپور، کھگڑیا، ارریہ شامل ہیں۔
خفیہ ایجنسی کے اطلاع کے بعد ریلوے اور دیگر سرکاری و مذہبی مقامات پر پولیس کو بھاری تعداد میں تعینات کیا گیا ہے۔
واضح رہے کہ اس معاملے پر ابھی تک کسی بھی افسر نے اپنا بیان نہیں دیا ہے۔
اطلاعات کے مطابق اے ٹی ایس کی ٹیم کئی بار دربھنگہ جانچ پڑتال کے لیے پہنچ چکی ہے اور اجنبی لوگوں پر نظر بھی رکھی جا رہی ہے۔
اطلاعات کے مطابق اس سے قبل کئی افراد کی گرفتاریاں این آئی اے اور دیگر ایجنسیز کر چکی ہیں۔
اس سلسلے میں ای ٹی وی بھارت سے گفتگو کرتے ہوئے سی ٹی ایس پی یوگیندر کمار نے کہا کہ ' دربھنگہ پولیس پوری طرح سے الرٹ ہے جوں ہی خفیہ ایجنسی سے کوئی بھی اطلاع ملتی ہے اسی وقت ہم پولیس کو الرٹ کر دیتے ہیں تاکہ کوئی بھی ناخوشگوار واقعہ پیش نہ آئے۔
