ریاست بہار کے ضلع دربھنگہ میں بھی کنٹینمنٹ زون کے باہر تقریباً تمام دکانیں کُھلی نظر آئی اور لوگوں کی بھی چہل پہل اور بازار کی رونق دیکھنے کو ملی۔
اس دوران حکومت کے فرمان اور ضلع انتظامیہ کے اعلان کے بعد اپنی کپڑے کی دوکان کھول کر خریدار کا انتظار کر رہے شہباز خان نے کہا کہ لاک ڈاون کی وجہ سے بہت خسارہ ہوا کیوں کہ دکان دو ماہ سے زائد وقت تک بند تھی لیکن اب دکان کھلنے کے بعد امید کرتے ہیں کہ حالات جلد از جلد سازگار ہوں گے۔
وہیں اسی کپڑے کی دوکان میں خریداری کرنے آئے ایک گراہک چلیتر پاسوان نے ای ٹی وی بھارت سے گفتگو کرتے ہوئے بتایا کہ لاک ڈاون کی وجہ سے تمام دکانیں بند تھیں جس کی وجہ سے کوئی بھی چیز خریدنے سے قاصر تھے۔
وہیں بازار کھلنے کے بعد سائیکل سے شہر اور گاؤں گاؤں گھوم کر چٹائی اور دیگر گھریلو ساز و سامان فروخت کرنے والے محمد آلِ انصاری نے کہا کہ 'بہت دنوں بعد آج چھ گاؤں میں گھوما اور سامان فروخت کر کے کچھ رقم کمائی تا ہم ابھی لوگ پیسہ نا ہونے کی باتیں کر رہے ہیں لیکن میں امید کرتا ہوں کہ جلد ہی حالات ٹھیک ہو جائیں گے۔
