ریاست بہار کے ضلع کیمور کی سرحد سے یومیہ مزدور آج سینکڑوں کلو میٹر کا سفر کرنے کے بعد خوشی خوشی بہار کی سرحد میں داخل ہورہے ہیں۔
واضح رہے کہ سینکڑوں کیلو میٹر پیدل چل کر دہاڑی مزدور اترپردیش کے راستہ بہار کے سرحد میں داخل ہوئے ہیں۔
وہیں دوسری جانب ضلع انتظامیہ ایسے تمام لوگوں کا سرحد پر میڈیکل چیکپ اور کھانے کا انتظام کررہی۔
کیمور میں ضلع انتظامیہ کے سامنے اب نئی قسم کی زورآمائی ہے، کیونکہ لاک ڈاؤن کے دوران ہزاروں کی تعداد میں دہلی سمیت دیگر ریاستوں میں کام کرنے والے یومیہ مزدور اترپردیش کے راستہ بہار کی سر حد میں داخل ہوئے ہیں۔
اس کی بات کی ضلع انتظامیہ کو اطلاع ملتے ہی ڈی ایم نول کشور چودھری اور ایس پی دلنواز احمد خود کیمور میں پڑنے والی اترپردیش اور بہار کی سرحد پر پہونچ گئے، جہاں کثیر تعداد میں بہار آنے والے مزدوروں کو روک کر ڈاکٹرز کی نگرانی میں میڈیکل چیکپ کرایا۔
ایسا مانا جارہا ہے کہ آنے والے دنوں میں اگر ایسے ہی ان کی تعداد بڑھتی گئی تو یہ انتظامیہ کو مشکل میں ڈال سکتی ہے۔
واضح رہے کہ ضلع انتظامیہ نے کیمور کے کھجورا علاقے کے پاس ایک طرف کھانے کا انتظام کررہی ہے تو وہیں دوسری جانب کورونا کی جانچ بھی کررہی ہے۔
