ریاست بہار کے ضلع بکسر میں کورونا سے متاثر مریضوں کی تعداد میں مسلسل اضافہ ہورہا ہے۔ ایسی صورتحال میں ضلعی انتظامیہ اس کی روک تھام کے لیے ہر ممکن کوشش کر رہی ہے۔ بینکوں میں پیسے کے لیے زیادہ بھیڑ کو دیکھتے ہوئے حکومت نے ایک نیا اقدام اٹھایا ہے۔ اب دس ہزار روپے تک کی ادائیگی پوسٹ آفس کے ذریعے گھر بیٹھے ہوگا۔
ضلع آفیسر امن سمیر نے ضلع کے تمام بلاک ڈویلپمنٹ افسران کو ایک خط ارسال کیا ہے۔ بینکوں میں ہجوم کی وجہ سے اب حکومت نے دس ہزار روپے تک کی ادائیگی پوسٹ آفس کے ذریعے کرنے کا فیصلہ کیا ہے۔ اس کے لیے بینک اکاؤنٹ آدھار کارڈ سے لنک ہونا چاہئے۔
وہیں وہ صارفین جن کے اکاؤنٹ کسی بینک میں آدھار سے لنک ہے ان کو انڈیا پوسٹ پیمینٹ بینک کے آدھار اینیبل پیمینٹ سسٹم کے ذریعے گھر بیٹھے ڈاکخانہ 10 ہزار روپے تک ادا کریں گے۔ اس سے صارفین کو بینک جانے سے آزاد ہوجائے گا۔
واضھ رہے کہ کورونا سے بچنے کے لیے سماجی دوری ہی واحد آپشن ہے۔ لیکن بینکوں میں لوگوں کی بہت زیادہ ہجوم دیکھنے کو مل رہا۔ اس کے پیش نظر سماجی فاصلے پر عمل کرنے کا فیصلہ کیا گیا ہے۔
