پٹنہ: طالبان کے افغانستان پر قبضہ کے بعد سے بھارت میں کئی طرح کی باتیں کی جارہی ہے، کہا جارہا ہے کہ افغانستان کے موجودہ حالات سے بھارت پر مضر اثرات مرتب ہوں گے۔
اس تعلق سے جنتادل راشٹر وادی کے قومی کنوینر اشفاق رحمٰن نے ای ٹی وی سے خصوصی گفتگو کی، انہوں نے کہا کہ 'افغانستان کے اپنے معاملے ہیں۔ ہمارے ملک پر اس کے کوئی اثرات مرتب نہیں ہوں گے۔
اشفاق نے کہا کہ 'ملک میں مسلم کٹرپنتھ کے نام پر جو بھی ہو رہا ہے اسے دنیا دیکھ رہی ہے'۔ بھارت کا افغانستان سے کوئی معاملہ نہیں تھا، 20 سالوں سے امریکہ وہاں قابض تھا، اب وہ کیا کر رہے ہیں یہ ان کا مسئلہ ہے، بھارت کو فکر مند ہونے کی ضرورت نہیں ہے، افواہیں پھیلائی جا رہی ہیں، ملک کے اندر بھی روز کچھ نہ کچھ افواہیں پھیلتی رہتی ہیں۔
مزید پڑھیں:
انہوں نے کہا کہ آج کھلے طور پر کہا جا سکتا ہے کہ ملک میں دو شخص اقتدار میں ہیں، اور تمام کام بڑے صنعت کاروں کے لئے کیا جا رہا ہے۔ اور عوام کی توجہ بھٹکانے اور پولرائزیشن کے لئے مذہب کی گھٹی پلائی جا رہی ہے۔ یہاں کے ہندو، مسلم بہت سمجھدار ہیں۔ مجھے نہیں لگتا کہ افغانستان کا منفی اثر بھارت پر ہوگا۔
انہوں نے کہا کہ ملک کے وزیراعظم پڑوسی ممالک سے رابطہ نہیں رکھنا چاہتے تو یہ انکا معاملہ ہے، ان کو کوئی ملک اچھا نہیں لگتا ہے۔
