بہار میں جرائم پیشہ افراد کے حوصلے بلند ہیں۔ ہر روز نئے نئے واقعات سامنے آرہے ہیں۔ اس کو دیکھتے ہوئے اپوزیشن مسلسل حکومت پر کو تنقید کو نشانہ بنا رہی ہے۔
اس تعلق سے آج ای ٹی وی بھارت کے نمائندہ نے بہار میں بڑھتے جرائم کے واقعات پر بی جے پی کے رکن اسمبلی پون جیسوال سے گفتگو کی۔
اس دوران پون جیسوال نے کہا کہ 'جرائم پیشہ افراد پر لگام لگانے کے لئے بہار حکومت کو اترپردیش حکومت کی طرز پر کاروائی اور انکاؤنٹر کرنے کی ضرورت ہے۔'
وہیں، اپوزیشن کے ذریعہ جرائم پر مسلسل سوال اٹھانے پر بی جے پی کے ایم ایل اے نے کہا کہ 'جو لوگ جرائم میں یقین رکھتے ہیں۔ وہ لوگ مجرموں پر کیا سوال اٹھائیں گے۔ حکومت مجرموں پر کاروائی کرنے کے لئے پوری کوشش کر رہی ہے۔'
انہوں نے کہا کہ 'اس میں کوئی شک نہیں ہے کہ بہار میں جرائم کے واقعات میں اضافہ ہوا ہے۔ لیکن حکومت بھی جرائم پیشہ افراد کے خلاف مسلسل کارروائی کر رہی ہے۔'
'ریاست میں جس طرح سے جرائم پیشہ افراد کے حوصلے پلند ہیں۔ ان کے حوصلوں کو توڑنے کے لئے یوپی کے طرز پر بہار حکومت کو کاروائی کرنے کی سخت ضرورت ہے۔'
