ریاست بہار کے ضلع دربھنگہ سول کورٹ میں پوکسو ایکٹ کے اسپیشل جج سنجے اگروال کی عدالت نے ایک گیارہ برس کی بچی سے جسم فروشی کرانے کے الزام میں ایک شخص کو 17 فروری کو دس برس کی سزا اور دس ہزار روپے جرمانہ عائد کرنے کا حکم دیا گیا ہے۔
اس کیس کے سرکاری وکیل وجے کمار پراجیت نے بتایا کہ 'گزشتہ 22 مارچ 2018 کو لہیریا سرائے تھانہ حلقہ میں ایک پرائیویٹ ہوٹل میں دربھنگہ خاتون تھانہ کی پولیس نے چھاپہ مار کر اس سنسنی خیز معاملے کا پردہ فاش کیا تھا۔'
اس معاملے کو لے کر خاتون تھانہ میں ایک مقدمہ 22/2018 درج کیا گیا تھا - اس مقدمے میں عدالت نے پہلے ہی کل سات مجرموں میں سے چھ کو سزا سنا چکی ہے، یہ مجرم جسے آج سنائی گئی ہے وہ پہلے سزا سنانے کے دوران کورٹ سے فرار ہو گیا تھا جسے پولیس نے دوبارہ گرفتار کرکے جیل بھیجا اور آج اسے سزا سنائی گئی۔
ملزم امیت کمار مدھوبنی ضلع کے راج نگر تھانہ علاقے کا رہنے والا ہے۔
