نوادہ: سڑک حادثے میں جوڑے کی موت، ایک زخمی

بہار میں نوادہ ضلع کے دھمول تھانہ علاقہ میں ٹرک اور بولیرو کی ٹکر میں جوڑے کی موت ہوگئی اور ایک دیگر زخمی ہوگئی ۔

پولیس ذرائع نے بدھ کو یہاں بتایاکہ پکڑی برانواں تھانہ علاقہ کے کڑھیتا گاﺅں باشندہ گانو مانجھی (38) جموئی کے علی گنج میں اپنی ماں کا علاج کرانے کے بعد اہلیہ مینا دیوی (35) کے ساتھ بولیرو سے منگل کی رات اپنے گھر لوٹ رہا تھا تبھی گلنی

موڑ کے نزدیک ٹرک اور بولیرو کے مابین ٹکر ہوگئی ۔ اس حادثے میں گانو مانجھی اور اس کی اہلیہ کی موت ہوگئی جبکہ اس کی ماں شدید طور سے زخمی ہوگئی ۔

ذرائع نے بتایاکہ زخمی خاتون کو پکڑی برانوں پرائمری ہیلتھ مرکز میں داخل کرایا گیا ہے ۔ لاشیں پوسٹ مارٹم کیلئے بھیج دی گئی ہیں۔