بہار حکومت نے کورونا پر فتح حاصل کرنے کے لیے اس وبا کے زد میں آئے لوگوں کا سروے کرنے کے لیے ڈور ٹو ڈور کام شروع کیا ہے۔
دارالحکومت پٹنہ کے کئی علاقوں میں محکمہ صحت، میونسپل کارپوریشن، مقامی بی ایل او، آنگن باڑی، 1پیرا میڈیکل اسٹاف کے علاوہ پولیس والے کی موجودگی میں سروے کا کام کام شروع کیا گیا ہے۔
دو مرحلے کے مہم میں قریب 4 لاکھ سے زیادہ گھر اسکین ہونگے جس میں بیس لاکھ لوگوں کی اسکیننگ کی جائے گی۔ اس کام کے لیے 2700 لوگوں کی ٹیم تشکیل دی گئی۔ یہ ٹیم گھر جا کر اسکیننگ کرے گی۔ گھر کے سرپرست کو ایک پرنٹڈ فارم دیا جارہا ہے۔
اس میں اہل خانہ کو تحریری اطلاع دینی ہے کہ ان کے گھر میں کتنے فرد ہیں۔ کوئی فرد گزشتہ ایک مہینے میں بیرون ملک سے یا کسی دوسری جگہ سے تو نہیں آیا ہے۔
کسی کو سردی کھانسی یا بخار تو نہیں ہے یا کوئی کسی دوسرے مرض میں مبتلا تو نہیں ہے۔
خاندان میں جتنے فرد ہیں ان کی عمر کیا ہے۔ اس فارم میں گاؤں محلہ تھانہ جیسی جانکاری شامل کی گئی ہے۔
اس فارم میں کالم ہے جس میں میں کہا گیا ہے کہ اگر پوچھیں گی کوئی بیماری ہے تو اس کی اطلاع سول سرجن اور کنٹرول روم کو فوراً دینا ہے۔
اس کام میں لگی آنگن باڑی کی انیتا کماری نے بتایا کہ ان کو میونسپل کارپوریشن کے ذریعے فون کرکے بلایا گیا ہے۔
انہیں کہا گیا ہے کہ فارم لے کر گھر گھر جاکر کر دیئے گئے ہدایت کے مطابق سروے کرنا ہے۔
وارڈ نمبر 10 کی بی ایل او نے بتایا کہ کہ انہیں مکمہ صحت اور میونسپل کارپوریشن کے ذریعے ہدایت ملی ہے کہ سروے کا کام گھر گھر جاکر کرنا ہے۔
ان لوگوں کے پاس پٹنہ ڈی ایم کا ایک لیٹر بھی ہے جس میں ہدایت دی گئی ہے۔ وارڈ نمبر 10 کے میونسپل کارپوریشن کے ایس آئی شمبھو پرساد نے بتایا کہ ہر وارڈ کو پانچ سیکٹر میں تقسیم گیا ہے۔ ہر سیکٹر میں پانچ ملازم اس کام میں لگائے گئے ہیں۔
