ریاست بہار میں کورونا مریضوں کی تعداد مسلسل بڑھتی ہی جا رہی ہے۔ اتوار کے روز 245 نئے کیسز کی تصدیق ہونے کے بعد کورونا مریضوں کی تعداد بڑھ کر 9224 ہوگئی ہے۔
بہار میں اب تک کورونا انفیکشن کے معاملے میں 205832 لوگوں کی کورونا جانچ ہوچکی ہے۔
وہیں اب تک اس وائرس سے 62 لوگوں کی موت ہوئی ہے۔
مرکزی حکومت کی ہدایت کے بعد ان لاک-1 میں بہت سارے علاقوں میں نرمی دی گئی ہے۔
محکمہ صحت کے مطابق 'اب تک مجموعی طور پر 205832 نمونوں کی جانچ کی جاچکی ہے۔ وہیں گزشتہ 24 گھنٹوں میں 226 افراد صحت مند ہو کر اپنے گھروں کو لوٹ چکے ہیں۔ بہار میں کورونا سے ریکوری کی شرح 78 فیصد ہے۔'
واضح رہے کہ 'ریاست میں تارکین وطن مزدوروں کی واپسی کے بعد سے کورونا مریضوں میں اضافہ ریکارڈ کیا گیا ہے۔ 3 مئی کے بعد بہار پہنچنے والے بیشتر تارکین وطن کو کورونا مثبت پایا گیا ہے۔'
ان میں مہاراشٹر، دہلی، گجرات، ہریانہ، اتر پردیش اور راجستھان سے تعلق رکھنے والے تارکین وطن مزدور شامل ہیں۔
