ڈسٹرکٹ مجسٹریٹ سوربھ جوروال اور پولیس سپرنٹنڈنٹ دیپک ورن وال نے آج یہاں مشترکہ پریس کانفرنس میں کہا کہ دیو سوریہ مندر نیاس کمیٹی کی سفارش پر کل دیو سوریہ مندر میں عقیدت مندوں کے داخلے پر پابندی لگادی گئی ہے اور سوریہ کنڈ اور رودر کنڈ میں اسنان کرنے پر بھی پابندی لگائی گئی ہے۔
اس کے پیش نظر 28 مارچ سے 31 مارچ تک منعقد ہونے والے ملک کے سب سے بڑے دیو چیتی چھٹھ میلے کا انعقاد نہ کرنے کا فیصلہ کیا گیا ہے۔افسران نے بتایا کہ اگرچہ اس دوران دیو سوریہ مندر کے صرف پجاریوں ہی پوجا اور آرتی کے فرائض انجام دیتے رہیں گے۔
لیکن عام عقیدت مندوں کا داخلہ بالکل بند رہے گا۔ انہوں نے بتایا کہ پورے ضلع میں سبھی آبی ذخائر، تالابوں اور کنڈوں میں اسنان پر پہلے ہی پابندی لگائی جاچکی ہے۔
