اسی ضمن میں ارریہ کے سبھاش اسٹیڈیم میں بھی نہرو یووا کیندر یونین کی جانب سے آن فیٹ انڈیا مومینٹ تقریب کا انعقاد کیا گیا ، جس میں شہر کے معزز شخصیات سمیت طلبا نے بھی شرکت کی۔
پروگرام کا آغاز مہمان خصوصی و سینئر صحافی قمر معصوم نے شمع روشن کر کے کیا، جبکہ آرگنائزر کرم ویر سنگھ نے آئے ہوئے مہمانان کرام کا استقبال کیا۔
قمر معصوم نے کہا کہ آج پورا بھارت عظیم کھلاڑی و ہاکی کے جادوگر کہے جانے والے میجر دھیان چند کا یوم پیدائش منائی جارہی ہے، میجر دھیان چند ایک ایسے کھلاڑی تھے جس پر بھارت ناز کرتا ہے۔
دھیان چند نے کھیل کی دنیا میں بھارت کو منفرد شناخت دلائی ہے اور اولمپک کھیل میں بھارت کی طرف سے سب سے زیادہ گول کرنے کا اعزاز انہیں ہی حاصل ہے۔
واضح رہے کہ ہٹلر نے ان کی خوبی کو دیکھتے ہوئے انہیں اپنے ملک کا گورنر بنانے کی پیشکش کی لیکن انہوں نے انکار کر دیا تھا۔
ہیرا کمار ٹھاکر نے کہا کہ میجر دھیان چند محض سولہ برس کی عمر میں ہی فوج میں بھرتی ہو گئے تھے، ان کی صحت کا راز ان کی فٹنیس تھا۔
اسی مناسبت سے آج کے دن کھیل کی دنیا میں بہترین مظاہرہ کرنے والے کھلاڑیوں کو کھیل رتن سے بھی نوازا جاتا ہے، اس موقع پر دہلی سے وزیر اعظم نریندر مودی کا لائیو پروگرام بھی طلبا کو دکھایا گیا۔
