بھارت میں ادرو صحافت کی تاریخ دو سو سال مکمل کر چکی ہے۔ اس کے پیش نظر کولکاتا میں آئندہ 14 مارج سے جشن اُردو صحافت پروگرام کا آغاز کیا جارہا ہے جس کی ذمہ داری ریاست بہار سے نکلنے والے تقریباً 14 اردو اخبارات کے مدیران سنبھالی ہے۔
اُردو صحافت نے ملک کی آزادی میں اہم کردار ادا کیا تھا لیکن آج اُردو صحافت اور اس سے منسلک بیشتر صحافی حکومت کی جانبدارانہ رویہ سے بدحالی کے شکار ہیں۔
وہیں، اردو اخبارات کے مسائل سے متعلق بہار میں اُردو اخبارات کے مدیران نے ایک کمیٹی بھی تشکیل دی ہے جس میں تقریباً 14 اُردو اخباروں کے مدیر شامل ہیں۔ یہ کمیٹی اُردو اخبارات کے ساتھ درپیش آنے والے مسائل کے حل کیلئے حکومت پر دباؤ بنائے گی۔
پروگرام کے تعلق سے نقیب کے مدیر اور کمیٹی کے صدر امارت شرعیہ کے نائب ناظم مفتی ثنا الھدی قاسمی نے ای ٹی وی سے خصوصی گفتگو میں کہا کہ 'کمیٹی خاکہ تیار کررہی ہے جشن اُردو صحافت کا آغاز کولکاتا سے آئندہ 14 مارچ کو کیا جا رہا ہے اس کے بعد آئندہ برس مارچ میں پٹنہ میں ایک تاریخی تقریب کا انعقاد کیا جائے گا۔
انہوں نے کہا کہ اردو اخبارات میں حکومت کی جانب سے جو اشتہارات دیے جاتے تھے اب وہ ہندی اور انگریزی زبان میں شائع ہورہے ہیں جو اردو اخبارات کے ساتھ زیادتی ہے۔
