سمستی پور: کورونا وائرس کے پیش نظر پورے ملک میں 14 اپریل تک لاک ڈاؤن جاری کیا گیا ہے۔ اس درمیان سمستی پور ریل منڈل تقریبا 2.99 لاکھ ریل مسافروں کے کینسل کئے گئے ٹکٹ کی رقم واپس کرنے میں مصروف ہے۔
اطلاعات کے مطابق کورونا وائرس کی وجہ سے 22 مارچ کو جنتا کرفیو لگایا گیا تھا، اور 23 مارچ سے 14 اپریل تک لاک ڈاؤن نافذ کئے گئے ہیں، جس کی وجہ سے تقریبا 2.99 لاکھ ٹکٹ سمستی پور ریل منڈل میں کینسل کیا گیا ہے، قیاس آرائی کی جا رہی ہے کہ 14 اپریل کو لاک ڈاؤن ختم ہو سکتا ہے،اس کو لے کر سمستی پور ریل منڈل نے مسافروں کو تقریبا 11 کروڑ روپے واپس کرنے میں مصروف ہے، حالانکہ 15 اپریل سے کینسل ٹکٹ کو لے کر مسافروں کو کئی طرح کی سہولیات بھی ریلوے فراہم کر رہی ہے ۔
واضح رہے کہ ریل مسافر ریلوے ہیلپ لائن نمبر 139 پر ریلوے کی ہدایات پر عمل کرکے اپنا ٹکٹ منسوخ کروا سکتے ہیں. لاک ڈاؤن ختم ہونے کے بعد کاؤنٹر پر ٹکٹ واپس کرکے اپنی رقم واپس لے سکتے ہیں۔ یا کوئی مسافر سفر نہیں کرنا چاہتا، وہ 30 جون تک اپنا ٹکٹ منسوخ کروا سکتا ہے۔
ٹکٹ کاؤنٹر پر ہجوم کے پیش نظر مسافر کسی بھی اسٹیشن کے ریزرویشن کاؤنٹر پر اپنا ٹکٹ کینسل کرا کر ہیسہ واپس لے سکتا ہے۔ وہیں آن لائن ٹکٹ لینے والے قریب 80 ہزار ریلوے مسافروں کا بھی لاک ڈاؤن کے دوران کینسل ٹکٹ کا پیسہ اکاؤنٹ میں بھیجنے کا عمل شروع ہو گیا ہے ۔
