بہار پبلک سروس کمیشن کی 64 ویں سول سروسز امتحان میں کل 1454 امیدواروں نے کامیابی حاصل کی ہیں۔ نتیجہ لمبے انتظار کے بعد اتوار کو دیر شام بہار پبلک سروس کمیشن نے جاری کیا۔ جس میں اوم پرکاش گپتا کو پہلا مقام حاصل ہوا ہے جب کہ ودھیا ساگر دوسرے اور انوراگ آنند تیسرے ٹاپر بنے ہیں۔
بغیر کوچنگ کے اوم پرکاش گپتا بنے بی پی ایس سی ٹاپر
بہار پبلک سروس کمیشن میں پہلی جگہ حاصل کرنے والے اوم پرکاش گپتا پٹنہ کے فتوحہ کے رہنے والے ہیں۔ انہوں نے آئی آئی ٹی روڑکی سے بی ٹیک انجینئرنگ کی ہے۔ اوم پرکاش نے بغیر کسی کوچنگ یہ کامیابی حاصل کی ہے، حالانکہ ان کا حدف یو پی ایس سی ہے۔
گاؤں میں ان کے والدین دکان چلاتے ہیں۔ ٹاپ آنے پر طالب علموں کو پیغام دیتے ہوئے انہوں نے کہا کہ اگر آپ محنت کرتے ہیں تو کوئی بھی کامیابی مل جاتی ہے۔ کڑی محنت کرنے والوں کو کامیابی حاصل ہوتی ہے اس لیے منزل پر رہ کر حوصلہ بنائے رکھیے‘‘
کون ہے دوسرا ٹاپر؟
ویدھیا ساگر بہار کے سپول ضلع کے رہنے والے ہیں۔ انہوں نے بی پی ایس سی میں دوسرا مقام حاصل کیا ہے۔ ان کی اسکول کی پڑھائی سپول کے جواہر نودیے اسکول سے ہوئی، بعد میں انہوں نے انجینئرینگ کی پڑھائی کی اور اس کے بعد اپنے دوست پریا کے ساتھ مل کر بہار پبلک سروس کمیشن کی پڑھائی کی۔ جس میں دونوں کامیاب ہوئے ہیں۔ پریا کو سپلائی انسپکٹر کا عہدہ ملا ہے۔
تیسرا ٹاپر آنند کون ہے؟
تیسرا مقام حاصل کرنے والے انوراگ آنند دربھنگہ شہر کے لکشمی ساگر کا رہنے والا ہے۔ انہوں نے پہلی کوشش میں یہ کامیابی حاصل کی ہے۔ ان کے والد وجیے کمار جھا ایس بی آئی کے لہریاسرائے سی اے ای برانچ کے منیجر ہے۔
ٹاپ ٹین کامیاب
- اوم پرکاش گپتا
- ودھیا ساگر
- انوراگ آنند
- ویشال
- ششانک برنوال
- آلوک کمار
- نکھل کمار
- آریہ راج
- ستیم کمار
- ونود کمار
اس مقابلہ جاتی امتحان میں 471584 امیدواروں نے حصہ لیا تھا۔ ان میں سے 19109 کو ابتدائی امتحان میں کامیابی ملی۔ جب کہ مینس امتحان (مرکزی امتحان) میں کل 3799 امیدوار کامیاب ہوئے ہیں۔
