حاجی پور: بہار کے ویشالی ضلع کے مہنار تھانہ علاقہ سے پولیس نے جمعرات کو درخت سے لٹکی ہوئی ایک نوجوان کی لاش برآمد کی۔ پولیس ذرائع نے یہاں بتایا کہ مقامی لوگوں سے ملی اطلاع کی بنیاد پر رکسی پور گاؤں میں واقع باغ سے ایک نوجوان کی درخت سے لٹکی ہوئی لاش برآمد ہوئی۔ Body of Youth Found Hanging From Tree
متوفی کی شناخت مکیش کمار ساہ (22) کے طور پر کی گئی ہے جو ضلع کے جنڈاہا تھانہ علاقہ کے تحت ارنیا گاؤں کا رہنے والا ہے۔ وہ صبح ٹوائلیٹ کے لیے گھر سے نکلا تھا۔ ذرائع کا کہنا ہے کہ لاش کو پوسٹ مارٹم کے لیے حاجی پور صدر اسپتال بھیج دیا گیا ہے۔ معاملے کی جانچ کی جا رہی ہے۔
دوسری جانب جھارکھنڈ میں دمکا ضلع کے کاٹھی کنڈ تھانہ علاقہ سے پولیس نے بدھ کو درخت سے لٹکی ایک طالبہ کی لاش برآمد کی ہے۔ پولیس ذرائع نے یہاں بتایا کہ مقامی لوگوں سے ملی اطلاع کے مطابق بڑ تلا گاﺅں میں درخت سے لٹکی ایک لڑکی لاش برآمد کی گئی ہے۔ لڑکی ضلع کے کاٹھی کنڈ تھانہ علاقہ کے آم گاچھی گاﺅں کی رہنے والی تھی۔ وہ 10 ویں جماعت میں پڑھتی تھی اور گذشتہ پانچ دنوںسے گھر سے غائب تھی۔ ذرائع نے بتایاکہ لاش پوسٹ مارٹم کیلئے پھولو جھانو میڈیکل کالج اسپتال بھیج دی گئی ہے۔ معاملے کی تفتیش کی جارہی ہے۔
یو این آئی
