آج دوپہر بارہ بجے ایئر فورس کے ہیلی کاپٹر کے ذریعہ انٹرنیشنل گیا ہوائی اڈے پر سابق آئی بی چیف دینیشور شرما کی جسد خاکی پہنچ گئی۔ جسدخاکی قومی پرچم میں لپٹی ہوئی تھی، ایئرپورٹ پر پہنچنے کے بعد انہیں آخری سلامی دینے کے لیے گیا ہوائی اڈہ احاطہ میں جسد خاکی رکھی گئی۔
نیم فوجی دستوں نے بندوق جھکا کر دو منٹ خاموشی اختیار کرتے ہوئے خراج تحسین اور سلامی پیش کی۔ صدرجمہوریہ ہند رام ناتھ کوند، وزیر اعظم نریندر مودی، وزیر داخلہ امت شاہ، قومی سلامتی کے مشیر اجیت ڈوال، آئی بی کے ڈائریکٹر اروندا کی جانب سے بھیجے گئے چکر گلدستہ ضلع ڈسٹرکٹ انچارج سمن کمار، ایس ایس پی راجیومشرا اور اے ڈی ایم نے پیش کیا ۔
اس کے علاوہ سی آر پی ایف کے ڈی جی کی طرف سے بھیجے گئے چکر پشپ سی آرپی 159 بٹالین کے کمانڈنٹ ڈاکٹر نشیت کمار، بہار کے ڈی جی پی ایس کے سنگھل کی طرف بھیجے گئے پشپ چکر کو مگدھ آئی جی راکیش راٹھی نے پیش کیا۔
ایئرپورٹ پر بہار کے سابق ڈی جی پی اور دنیش شرما کے سمدھی ابھیانند نے بھی پہنچ کر خراج تحسین پیش کیا۔ اس کے بعد سابق آئی بی چیف کی جسد خاکی سخت سکیورٹی کے درمیان ان کے آبائی گاؤں بیلاگنج کے پالی گاؤں روانہ ہوگئی ہے۔
یہاں عام لوگوں کے ذریعے آخری دیدار کے بعد جسدِ خاکی کو آخری رسومات کی ادائیگی کے لئے شہر کے وشنو پتھ شمسان گھاٹ پر شام پانچ بجے لایا جائے گا۔
ان کے آبائی گھر پر مرکزی حکومت کے وزیر گری راج سنگھ، گیا ایم پی وجے کمار مانجھی کے علاوہ سبھی پارٹیوں کے رہنما و سماجی کارکن موجود ہیں۔
مزید پڑھیں:
دنیشور شرما کی آخری رسومات گیا میں ہوگی
واضح رہے کہ دینیشور شرما گیا کے پالی گاؤں کے رہنے والے تھے، دینیشور شرما جموں کشمیر کے مذاکراتکار کی بھی حیثیت سے کام کر چکے ہیں۔ ضلع گیا میں سبھی برادری اور مذہبی لوگوں کے درمیان مقبول تھے اور سبھی سے ان کے اچھے روابط تھے، دیر شام کو آخری رسومات ادا کردی جائے گی۔
