BJP Criticizes Rashtriya Janata Dal: بی جے پی کی راشٹریہ جنتا دل پر تنقید

بہار کے وزیر صحت منگل پانڈے نے راشٹریہ جنتادل پر تنقید کرتے ہوئے کہا کہ آر جے ڈی کے لوگ آج بھی خوش فہمی میں ہیں کہ ایل ای ڈی بلب کے زمانے میں لوگ لالٹین جلائیں گے، لالٹین کا زمانہ چلا گیا اب پورا بہار ایل ای ڈی بلب سے جگمگا رہا ہے۔ BJP Criticizes Rashtriya Janata Dal۔

بہار کے دارالحکومت پٹنہ میں واقع راشٹریہ جنتادل کے دفتر میں گزشتہ دنوں چودہ فٹ کا ایک آدم قد لالٹین نصب کیا گیا جو ریاست میں موضوع بحث بنا ہوا ہے،

بی جے پی کا راشٹریہ جنتا دل پر تنقید

اس ضمن میں بی جے پی کے سینیئر لیڈر اور بہار کے وزیر صحت منگل پانڈے BJP Senior leader Mangal Pandey صحافیوں سے بات کرتے ہوئے کہا کہ 'راشٹریہ جنتادل کے لوگ ابھی بھی اس خوش فہمی میں ہیں کہ ایل ای ڈی بلب کے زمانے میں لوگ لالٹین جلائیں گے، لالٹین کا زمانہ چلا گیا اب پورا بہار ایل ای ڈی بلب سے جگمگا رہا ہے، بہار کو اب لالٹین کی ضرورت نہیں ہے۔

منگل پانڈے نے کہا کہ 'راشٹریہ جنتادل Rashtriya Janata Dal کے رہنماؤں کو اب بھی بھرم ہے کہ آر جے ڈی دوبارہ اقتدار میں آئے گی، ان لوگوں کے لیے اب یہ خواب ہی رہے گا۔ کیوں کہ آج کی نئی نسل لالو رابڑی کے جنگل راج کو بہار میں دوبارہ نہیں لانا چاہتی، جنہوں نے اس دور کو دیکھا ہے۔

منگل پانڈے نے آر جے ڈی پر چٹکی لیتے ہوئے کہا کہ 'آر جے ڈی والے چاہے جتنا قدآدم کا لالٹین لگالیں وہ عوام کو بے وقوف نہیں بناسکتے، عوام نتیش حکومت کے ترقیاتی کاموں کو دیکھ چکی ہے، آج ہر گاؤں میں چمچماتی سڑک، پینے کے لئے صاف پانی، 18 سے 20 گھنٹے بجلی، ہر بلاک میں بچوں کے لیے اسکول ہے، بہار کی عوام ایک اچھے ماحول میں گزر بسر کر رہی ہے۔