مظھرالحق عربی فارسی یونیورسٹی نے سینکڑوں طلباء کو اسناد سے نوازا

سرکاری عمارت میں اور کالج کے بغیر چلنے والی ریاست بہار کے پٹنہ کی واحد اقلیتی یونیورسٹی مولانا مظہرالحق عربی فارسی یونیورسٹی نے اپنے پانچویں تقسیم اسناد تقریب کا انعقاد کیا۔

ریاست بہار کے پٹنہ کی واحد اقلیتی یونیورسٹی مولانا مظہرالحق عربی فارسی یونیورسٹی نے اپنے پانچویں تقسیم اسناد کی تقریب کے دوران سینکڑوں طلباء وطالبات کواسناد سے نوازا گیا۔

اس تقریب میں شامل ہوئے ریاست کے وزیر تعلیم کرشنندن پرساد ورما نے کہا کہ وہ اس یونیورسٹی کے لیے بہت کچھ کر رہے ہیں اور وہ آئندہ بھی کریں گے۔ انہوں نے بتایا کہ یونیورسٹی کی اپنی عمارت زیر تعمیر ہے۔ یونیورسٹی کے شعبہ عربی کے طالب علم سعد احمد کو فاضل میں نمایاں کامیابی کے لیے گولڈ میڈل سے نوازا گیا۔ انہوں نے کہا کہ مجھے نمایاں کامیابی کے لیے یونیورسٹی نے گولڈ میڈل دیا ہے جس کے لیے میں یونیورسٹی اور ریاست کے گورنر کو چوہان کا شکریہ ادا کرتا ہوں۔ یونیورسٹی کے شعبہ صحافت کی طالبہ وحیدہ خاتون نے ایم اے ان جرنلزم اینڈ ماس کمیونیکیشن میں نمایاں کامیابی حاصل کی۔ وحیدہ نے کہا کہ یہ میرے لئے بڑی کامیابی ہے کہ میں نے اس یونیورسٹی سے جرنلزم میں ایم اے کیا ہے۔ انہوں نے مزید کہا کہ آئندہ وہ صحافت میں پی ایچ ڈی کرنا چاہتی ہیں۔ ریاست کے وزیر تعلیم کرشنندن پرساد ورما نے کہا کہ انہوں نے مدرسہ کی تعلیم اور اس کی بہتری کے علاوہ اس یونیورسٹی کے لئے بہت کچھ کیا ہے اور وہ آئندہ بھی کریں گے۔