بہار کے ضلع بکسر میں سائیبرفائٹڑ گروپ نے کارروائی کرتے ہوئے غلط ویڈیو اپ لوڈ کرنے کے الزام میں پولیس اہلکار سمیت دیگر دوافراد کو گرفتار کرلیا۔
پولیس ذرائع نے آج یہاں بتایا کہ اتوار کی صبح سونورشا کے رہنے والے شمبھو پٹیل نے سونورشا پولیس آؤٹ پوسٹ کی طرف بنائے گئے سائبرفائٹر گروپ میں ایک غلط ویڈیو اپ لوڈ کر دیا ۔
اس کے بعد نواں نگر تھانہ کے جمعدار سنتوش کمار نے ویڈیو نواں نگر تھانہ کے ذریعے بنائے گئے فائٹر گروپ میں ڈال دیا۔جب اس بات کی اطلاع پولیس سپرنٹنڈنٹ اپیندرناتھ ورما کو موصول ہوئی تو انہوں نے نواں نگر تھانہ انچارج سنجے کمار کو سنتوش کمار اور نوجوان شمبھو پٹیل پر معاملہ درج کرنے کا حکم دیا ۔
ذرائع نے بتایا کہ سنتوش کمار اور شمبھو پٹیل پر معاملہ درج کرنے کے بعد گزشتہ شب انہیں گرفتار کر لیا گیا ہے ۔ پولیس سپرنٹنڈنٹ اپیندرناتھ ورما نے بتایا کہ اگر کوئی شخص کسی وهاٹس ایپ گروپ یا کسی سوشل پلیٹ فارم پر کسی قسم کا غلط ویڈیو یا کوئی پوسٹ کرتا ہے تو اس کے خلاف پولیس سائبر کرائم کے تحت سخت کاروائی کرے گی ۔
