ریاست بہار میں حالیہ انتخابات کے پیش نظر بہار پردیش مڈل تدریسی و غیر تدریسی ملازمین کے بینر تلے پوری ریاست میں انتخابات میں ووٹ ڈالنے کے لیے نوٹا استعمال کریں گے۔ یہی نہیں بلکہ ان لوگوں نے جہاں جہاں بھی انتخابات ہوچکے ہیں وہاں پر بھی نوٹا کا استعمال کیا ہے۔
بہار میں تقریباً 715 مڈل اسکول جو رہائشی ہیں گذشتہ 35 سالوں سے کام کررہے ہیں۔ جن میں تقریباً 9 لاکھ طلبہ نویں اور دسویں جماعت میں تعلیم حاصل کر رہے ہیں۔
ان اسکولوں میں حکومت میٹرک کے امتحانات کے نتائج کے مطابق مالی امداد فراہم کر تی ہے ان اسکولوں میں تقریباً 8580 مالی امداد سے محروم تدریسی و غیر تدریسی ملازمین کام کر رہے ہیں۔
سابق وزیر اعلی جیتن رام مانجھی نے عوامی مطالبہ کو تسلیم کرتے ہوئے 18 فروری کو ان اسکولوں کو سرکاری اسکولوں میں تبدیل کردیا تھا۔ لیکن بعد نتیش کمار کی حکومت نے مانجھی سرکار کے فیصلے کو مسترد کردیا۔
ان اسکولس کے ملازمین کو کئی سال سے مالی امداد یا تنخواہیں ادا نہیں کی گئی ہیں اور ان کے مطالبات کو بھی نظر انداز کردیا گیا ہے۔
