ضلع گیا میں بھی عالمی وبا کوروناوائرس کے انفیکشن پھیلنے کے بعد بچاؤ وراحت کے کام جاری ہے۔ حکومت وانتظامیہ سمیت سیاسی وسماجی افراد اپنی سطح سے بچاؤ و راحتی کاموں کو انجام دے رہے ہیں۔
ضلع گیا میں وزیراعظم نریندر مودی کا گمچھا چیلنج خوب ٹرینڈ کررہا ہے، اس ٹرینڈ سے خود کو بی جے پی کے مقامی ایم ایل اے و ریاستی محکمہ زراعت کے وزیر ڈاکٹر پریم کمار بھی نہیں روک سکے۔
پریم کمارنے چیلنج کو قبول کرتے ہوئے گمچھا تقسیم کرناشروع کردیا، وزیرنے مقامی سرکٹ ہاوس سے اس کی شروعات کی ہے۔
وزیر پریم کمارنے کہاکہ کوروناوائرس سے بچاؤ کے لئے وزیراعظم نریندرمودی کی جانب سے ہرممکن کوشش جاری ہے، وزیراعظم نے بچاوؤکے لئے عوامی رابطے سے دور رہنے کے ساتھ ماسک لگانے کی اپیل کی ہے۔
ماسک نہیں ہونے کی صورت میں گمچھے کے استعمال پرزور دیا ہے، اسلئے انہوں نے تین ہزار گمچھا اور صابن تقسیم کیا ہے۔
غریب بستیوں پر خصوصی توجہ دیکر گمچھا اور صابن تقسیم کیا جائےگا۔
