ریاست بہار کے ضلع مونگیر میں واقع مونگیر یونیورسٹی کے تاراپور کالج کے پروفیسر شاہد رضا جمال بھی اپنے طلباء کو آن لائن کلاسز لینا شروع کر دیا ہے۔
انہوں نے کہا کہ آن لائن کلاسز سے دو فائدے ہیں، ایک تو خود ان طلباء کی بوریت ختم ہوگی اور دوسرا طلباء کا نصاب بھی مقررہ وقت پر پورا ہوجائے گا۔
آن لائن کلاسز کی اہمیت پر زور دیتے ہوئے پروفیسر شاہد رضا جمال کہتے ہیں کہ 'ہمارے موجودہ ڈھانچے میں آن لائن کلاسز میں کئی طرح کی رکاوٹیں ہیں۔ ایک تو سبھی بچوں کے پاس اسمارٹ فون اور ٹیبلیٹ نہیں ہوتے اور دوسرا یہ کہ انٹرنیٹ کنیکشن اتنا بہتر نہیں ہوتا کہ مواد کی اسٹریمنگ بہتر انداز میں ہو لیکن پھر بھی آن لائن کلاسز جاری رہے گی۔
واضح رہے کہ بہار کے بھاگلپور جیسے شہروں کی یونیورسٹیوں میں ویسے بھی سیشن تاخیر سےچل رہا ہے اس پر طرح یہ کہ 22 مارچ سے جاری لاک ڈاؤن سے تعلیم و تدریس کا کام مزید تعطل کا شکار ہوگیا ہے اس لحاظ سے آن لائن کلاسز ایک خوش آئند قدم ہے۔
