بہار کے نوادہ میں آج ایک اور مریض کے کورونا وائرس میں مبتلا ہونے کی تصدیق ہوئی ،جس سے ریاست میں ایسے مریضوں کی تعداد بڑھکر 61ہوگئی ہے۔
محکمہ صحت کے پرنسیپل سکریٹری سنجے کمار نے یہاں بتایا کہ آج صبح آئی جانچ رپورٹ میں نوادہ ضلع کے ایک شخص کے اس وائرس سے متاثر ہونے کی تصدیق ہوئی ہے۔اس سے ریاست میں کورونا پازیٹو مریضوں کی تعداد بڑھکر 61ہوگئی ہے۔
مسٹر کمار نے بتایا کہ متاثر شخص کی عمر 45سال ہے۔انہوں نے بتایا کہ اس شخص کی ٹریول ہسٹری کے بارے میں پتہ لگایا جارہاہے۔
قابل ذکر ہے کہ اب تک سیوان کے 29،منگیر کے سات،پٹنہ کے پانچ،گیا کے پانچ،گوپال گنج کے تین،بیگوسرائے کے پانچ،نالندا کے دو،نوادہ کے دو،سارن کے دو،سارن کے ایک،لکھی سرائے کے ایک اور بھاگل پور کے ایک مریض کو کورونا سے انفیکٹڈ پایا گیاہے۔اب تک 18لوگ کورونا سے ٹھیک ہوکر گھر لوٹ چکے ہیں جبکہ ایک متاثرہ مریض کی موت ہوئی ہے۔
