شمالی بہار کے 8 اضلاع انتہائی خطرناک زلزلہ زون 5 کے تحت آتے ہیں، ان اضلاع کے مدرسہ کے اساتذہ کو حکومت خصوصی تربیت دے رہی ہے۔
وزیراعلی اسکول حفاظتی کام 'پروگرام کے تحت بہار ریاستی مدرسہ بورڈ' نے مدرسے کے اساتذہ کو قدرتی آفات سے خود کو اور بچوں کو محفوظ رکھنے کی تربیت ایس ڈی آر ایف کے ذریعہ کرائی۔
اسی سلسلے کے تحت دربھنگہ سے آئے ہوئے مدرسہ کے اساتذہ کو ایس ڈی آر ایف کے ماہرین کی نگرانی میں زلزلہ سے بچنے اور اس کے بعد ہونے والی تباہی اور نقصانات سے محفوظ رہنے کی تربیت دی گئی۔
اس تربیت میں تقریباً 35 اساتذہ کو ماسٹر ٹرینر کی تربیت دی گئی، یہ اساتذہ تربیت حاصل کر اپنے مدرسوں میں ہر سنیچر کو 'محفوظ سنیچر' کے تحت اساتذہ اور بچوں کو تربیت دیں گے۔
ایس ڈی آر ایف کے سب انسپکٹر سریندر کمار نے بتایا کہ 'ان تمام اساتذہ کو تربیت کے طور پر پہلے زلزلہ آنے کی اطلاع دی گئی اس کے بعد انہیں اس سے محفوظ رہنے نے کی تربیت دینے کے ساتھ ہی یہ بتایا گیا کہ اگر کوئی اس زلزلے میں زخمی ہو جائے تو اسے وہاں سے بحفاظت کیسے نکالا جائے اور اسے کس طرح فوری طبی امداد فراہم کی جائے۔
مدرسۃ البنات چندر پٹی (دربھنگہ) سے آنے والی خاتون نے بتایا کہ 'وہ یہاں قدرتی آفات سے بچنے نے کی تربیت حاصل کر کے ماسٹر ٹرینر کی حیثیت سے اپنے مدرسے میں اساتذہ اور بچوں کی حفاظت کی کوشش کریں گی۔
تربیتی پروگرام مین شریک ایک دیگر خاتون نے کہا کہ ' لوگ یہاں سے تربیت حاصل کر اپنے مدرسے میں بچوں کو محفوظ ہونے کی تربیت دیں گے اور ہر سنیچر کو 'محفوظ سنیچر' کے تحت بچوں کو تربیت دی جائے گی۔
