گیا میں دیا افروزی سے اتحاد کا ثبوت

بہار میں بھی وزیراعظم نریندرمودی کی اپیل پرلوگوں نے دیا افروزی کرکے بلاتفریق مذہب وملت اتحاد کا ثبوت پیش کیا، اس موقع پر متعدد مقامات پر پٹاخے بھی چھوڑے گئے۔

ریاست بہار کے ضلع گیا میںوزیر اعظم نریندر مودی کی اپیل پر لوگوں نے اتوار کی رات ٹھیک 9 بجے اپنے اپنے گھروں کی لائٹیں بند کردیں اور اپنے گھروں وچھتوں میں دیا وموم بتیاں جلاکر اتحاد کا ثبوت پیش کیا۔

یہاں کے لوگوں کے ہاتھوں میں ٹارچ ، موبائل فون کے فلش لائٹ جلتی نظر آئی ۔ ایسانظارہ کم ہی دیکھنے کوملتاہے کہ جب پورا شہر ایک ہوکر ایک ہی کام کوانجام دیتاہے۔

مسلم اکثریتی والے محلوں میں بھی دیا افروزی ہوئی ۔ ڈسٹرک مجسٹریٹ ابھشیک کمار سنگھ نے اپنی رہائش گاہ پر اپنے بچوں کے ساتھ مومبتیاں جلائیں تو ضلع کے ایس ایس پی راجیومشرانے پولیس جوانوں کی حوصلہ افزائی کے لئے اپنی رہائش گاہ کے باہر جوانوں کے ساتھ کھڑے نظرآئے۔

بودھ گیا مہابودھی مندر کے باہر تعینات پولیس جوانوں نے بھی چراغ روشن کیا ۔

ضلع گیامیں کورونا وائرس کے پانچ مثبت مریض ہیں ۔ایسے میں گیامیں کورونا کاخوف ہرشہری پر طاری ہے۔ تاہم ہرشہری نے کورونا کاخوف دل سے نکالنے کاعزم کرتانظر آیا۔