جموئی: ریاست بہار کے ضلع جموئی کی رہائشی ایک حاملہ خاتون لکشمی عمان میں پھنس گئی ہیں۔ ان کے گھر والوں کے مطابق نوکری کے بہانے ایجنٹوں نے پہلے اسے دہلی بلایا، پھر وہاں سے احمد آباد لے گئے اور پھر فلائٹ سے عمان بھیج دیا۔ لکشمی کے رشتہ دار کے مطابق لکشمی نے پانچ دن پہلے گھر والوں کو واٹس ایپ پر میسج کیا تھا اور کہا تھا 'مجھے بچاؤ' میں یہاں پھنس چکی ہوں۔' اس کے بعد لکشمی کے معذور شوہر نے دہلی کے پہاڑ گنج تھانے میں مقدمہ درج کرایا ہے۔ Lakshmi Stranded In Oman
لکمشی کے رشتہ داروں نے بتایا کہ لکشمی سمستی پور بندھن بینک میں کام کرتی تھی لیکن اچانک اس کی نوکری چلی گئی۔ ساتھ ہی شوہر کافی عرصے سے بیمار ہے۔ آنکھوں سے معذور شوہر وجے اور تین بچوں کی ذمہ داری لکشمی کے کندھوں پر تھی۔ اسی دوران اسے اچھی نوکری اور تنخواہ کے بہانے دہلی بلایا گیا اور وہاں سے اسے عمان کے شہر مسقط میں قید کر دیا گیا۔'
لکشمی کے رشتہ دار نے کہا کہ 28 مئی کو لکشمی نے بتایا کہ دہلی میں اس کی نوکری لگ گئی۔ دہلی پہنچ کر بتایا گیا کہ کسی ایجنٹ نے انہیں کسی طریقے سے دھوکے سے ملک سے باہر بھیج دیا، میری حکومت سے درخواست ہے کہ لکشمی کو بھارت واپس لائیں۔'
