ریاست بہار کے ضلع گیا میں یوم بہار کے جشن کا آغاز دھوم دھام سے ہوگیا ہے سبھی سرکاری اسکولوں سمیت ضلع سطح پر تقریب منقعد ہوگی۔ مقامی ٹاور چوک سے " میراتھن آف بہار" کا انعقاد گاندھی میدان تک ہوا، یہاں ڈسٹرکٹ مجسٹریٹ تیاگ راجن نے یوم بہار کی مبارک باد پیش کی اور کہا کہ بہار کی تاریخ قدیم ہے، مذہبی اورسیاحتی اعتبار سے بھی کافی اہم ہے۔ بہاری ہونا فخر ہے۔Beginnin of Bihar Diwas Celebrations in Gaya
انہوں نےمزید کہا کہ یہاں کے لوگوں نے بہار کی ترقی کی راہ میں رکاوٹوں کو ختم کرنے کا عزم کر رکھا ہے اور جس تیزی کے ساتھ ترقی ہورہی ہے اس سے ترقی یافتہ ریاستوں میں شمار ہوگا
میراتھن آف بہار میں شہر کے معززین کے علاوہ سرکاری و نجی اسکولوں کے طلبہ و طالبات اور انتظامیہ و پولیس انتظامیہ کے افسران و اہلکار شامل ہوئے ۔
مزید پڑھیں:یومِ بہار پوری دنیا میں منایا جاتا ہے :نتیش کمار
آج یوم بہار کے موقع پر ریڈ کراس بھون میں خون عطیہ کیمپ اور شام میں ایک عظیم مشاعرہ کا انعقاد ہوگا جس میں شہر کے سبھی طبقے کے باشندوں کو مدعو کیا گیا ہے۔
