بہار میں بھوجپور ضلع کی سیشن عدالت نے سموار کو مشہور عمران قتل معاملے میں دس لوگوں کو پھانسی کی سزا سنائی ہے۔
ایڈیشنل ضلع اور سیشن جج منوج کمار نے یہاں معاملے میں سماعت کے بعد مشہور عمران قتل معاملے میں خور شید قریشی، ان کے بھائی عبداللہ قریشی سمیت دس لوگوں کوقصور وار قرار دیتے ہوئے پھانسی کی سزا سنائی ہے۔ عدالت نے ملزمین پر ایک لاکھ روپے کا مالی جرمانہ بھی عائد کیاہے۔
یہ بھی پڑھیں: 'چراغ کے بہانے بی جے پی پر حملہ'
غورطلب ہے کہ 06 ستمبر 2018 کو آرہ چوک پر عمران کاقتل ہوا تھا۔ اس معاملے میں ( سیشن ٹرائل 117/2019) کے اہم ملزم خورشید قریشی ، عبداللہ قریشی ، احمد میاں ، ببلی میاں ، راجو خان ، انور خان عرف سلامیاں ، توصیف میاں اور (209/19) کے ملزم شمشیر میاں ، پھول چندر میاں اور گڈو میاں کو سزاہوئی ہے ۔
یو این آئی
