ریاست بہار کے سابق وزیر اور مہیشی اسمبلی حلقہ کے رکن اسمبلی عبدالغفور کی رحلت پرسیاسی حلقے سوگوار ہوگئے ۔
بہار کے ضلع گیا کے سیاسی حلقوں میں بھی عبدالغفور کے انتقال پر سیاسی رہنماوں نے گہرے رنج وغم کا اظہار کیا ہے ۔
جن ادھیکار پارٹی کے ریاستی کارگزار صدر عمیراحمد خان عرف ٹکاخان ، ہندوستانی عوام مورچہ سیکولر اقلیتی سیل کے قومی صدر ڈاکٹر توصیف الرحمن خان ، ہندوستانی عوام مورچہ کے قانون ساز کونسل کے رکن سنتوش مانجھی ، سنی وقف بورڈ پٹنہ کے سابق ایڈمنسٹیٹر سیدشارم علی اور دیگر سیاسی رہنماؤں نے گہرے رنج وغم کااظہار کیا ہے۔
متعدد رہنماؤں نے اظہار تعزیت پیش کرتے ہوئے مرحوم کے لیے دعائیں کی اور لواحقین سے ہمدردی کا اظہار کیا۔
واضح ہوکہ راشٹریہ جنتادل کے رکن اسمبلی عبدالغفور مہاگٹھ بندھن کی حکومت میں وزیر اقلیتی امور تھے۔مرحوم ملنسار ،خوش مزاج انسان تھے، ان کے یہاں ہمیشہ ضرورت مندوں کی بھیڑرہا کرتی تھی ۔ ان کے انتقال پر وزیراعلی نتیش کمار نے بھی گہرے رنج وغم کااظہار کیا ہے ۔وزیراعلی نے اپنا تعزیتی پیغام بھی جاری کیا ہے جس میں انہوں نے بہار کے ایک بڑے رہنما کے کھونے پر سیاست کابڑانقصان بتایاہے ۔ریاستی اعزاز کے ساتھ مرحوم کی تدفین عمل میں آئیں گی۔
