کورونا وائرس کے دور میں غریبوں، کاستکاروں کو راحت پہنچانے کے لیے مرکزی حکومت کے ذریعہ جاری مالی پیکیج کے اعلان کے بعد بہار کے وزیر اعلیٰ نتیش کمار نے افسران کے ساتھ اعلیٰ سطحی اجلاس کے دوران ہدایت دیتے ہوئے کہا کہ ایسے منصوبے بنائے جائیں جس میں مکھانہ کا کاروبار بہار سے ہی ہو۔
وزیر اعلیٰ نے کہا کہ 'مکھانہ کے ساتھ شاہی لیچی، چینیا کیلا، آم، میتھی کا تیل، خس کا تیل، کترنی چاول اور دوسرے سامانوں کے کلسٹر کو بھی فروغ دیں۔ انہوں نے کہا کہ 'ہر بھارتی کے پلیٹ میں بہار کا کھانا ہو، یہی ہمارا نسب العین ہے۔ مکھانہ اسے پورا کر سکتا ہے۔ اس سے زراعتی روڈمیپ کا ہدف بھی پورا ہوگا۔
وزیر اعلیٰ نے شہد کی پیداوار پر زور دیتے ہوئے کہا کہ بہار میں اس کے لیے لامحدود امکانات ہیں۔ اسی لیے شہد کی پروسیسنگ یونٹ اور مارکیٹنگ و برانڈنگ پر خصوصی توجہ دیں۔
