بہار کے دارالحکومت پٹنہ میں ریاستی الیکشن کمیشن کے سربراہ الیکشن کمشنر ایچ آر سری نواسن نے ایک پریس کانفرنس میں کہا کہ ای وی ایم پر سوال کھڑے کرنا مناسب نہیں ہے۔
ای وی ایم پر سوال
انہوں نے کہا کہ انتخاب کا اعلان ہونے سے قبل الیکشن کمیشن نے تمام سیاسی پارٹیوں میڈیا اور مختلف سماجی اداروں میں جاکر اس کی جانچ کرائی تھی۔
انہوں نے مزید کہا کہ ای وی ایم بھی دوسرے الیکٹرونک مشینوں کی طرح ہی ایک مشین ہےاور اس میں بھی دوسرے الیکٹرونک سامانوں کی طرح کبھی کبھار کچھ خرابیاں پیدا ہو جاتی ہیں لیکن اس کا مطلب یہ نہیں کہ اس میں کسی طرح کی کوئی تبدیلی کی جاسکتی ہے۔
واضح رہے کہ ای وی ایم مشین میں چھیڑ چھاڑ کرنے کے تعلق سے کچھ دنوں قبل ہی کئی سیاسی پارٹیوں نے احتجاج کرتے ہوئے سپریم کورٹ میں ایک ارضی بھی دائر کی تھی۔
