ریاست بہار میں لوک سبھا کی ایک اور اسمبلی کی پانچ سیٹوں پر ہوئے ضمنی انتخابات کی ووٹوں کی گنتی سخت سکیورٹی انتظامات کے درمیان صبح آٹھ بجے سے ہی شروع ہوگئی ہے۔
ریاستی الیکشن آفس کے مطابق سمستی پور (محفوظ) پارلیمانی حلقہ کے ساتھ ہی ضلع کشن گنج میں سہرسہ کے سمری بختیار پور، ضلع سیوان کے دروندا، ضلع بھاگلپور کے ناتھ نگر اور ضلع بانکا کے بیلهر اسمبلی نسشتوں کے لیے 21 اکتوبر کو ہونے والے ضمنی انتخابات کے ووٹوں کی گنتی آج صبح آٹھ بجے سے ہی ضلع ہیڈ کواٹر میں بنائے گئے ووٹوں کی گنتی کے مراکز پر شروع ہو گئی۔
خیال رہے کہ ووٹوں کی گنتی کے لیے بنائے گئے مراکز پر سکیورٹی کے وسیع انتظام کیے گئے ہیں۔
ووٹوں کی گنتی کے مقام کی نگرانی کے لیے پورے کیمپس میں سی سی ٹی وی کیمرے لگائے گئے ہیں۔
ووٹوں کی گنتی کے کام کے لیے تعینات افسران اور ملازمین کے علاوہ امیدوار، ان کے الیکشن ایجنٹ اور ووٹ کاؤنٹنگ کے ایجنٹز کو ہی احاطے کے اندر پاس کے ذریعے داخلہ دیا گیا ہے۔
