ریاست بہار میں 28 جنوری کو ایس ٹی ای ٹی کے امتحان کا انعقاد کیا جارہا ہے۔ امتحان سے پہلے بہار بورڈ کی غفلت کا ایک انوکھا معاملہ سامنے آیا ہے۔
دراصل بورڈ نے امتحان کے لئے آن لائن داخلہ کارڈ جاری کیے ہیں۔ ایسے میں جہان آباد کے مرد امیدوار کے ایڈمٹ کارڈ میں ساؤتھ کی مشہور اداکارہ انوپما پرمیسورن کی تصویر چسپا کر دی گئی ہے۔
جہان آباد کے مکدم پور کے رہائشی رشی کیش کمار نے ایڈمیٹ کارڈ ڈاؤن لوڈ کیا تو وہ دنگ رہ گیا۔ ان کے ایڈمٹ کارڈ میں جنوبی اداکارہ انوپما کی مسکراتی تصویر تھی۔ اس کے بعد سے وہ بورڈ کے مسلسل چکر کاٹ رہے ہیں۔
اس طرح کی لاپرواہی کا یہ کوئی نیا معاملہ نہیں ہے۔ حال ہی میں گوپال گنج میں سردی تعطیل کے بجائے گرمیوں کی تعطیلات کا اعلان کیا گیا تھا۔ دوسری طرف، 19 جنوری کی بجائے 19 فروری کو محکمہ تعلیم نے انسانی زنجیر کے انعقاد کے لئے ہدایات جاری کر دی تھی۔
