بہار میں بی جے پی کے صدر اور مرکزی وزیر مملکت برائے داخلہ نتیا نند رائے نے بتایا کہ 'انہوں نے اپنے ایم پی فنڈ سے 25 لاکھ روپے دے کر اس کی شروعات کر دی ہے۔'
انہوں نے اپنے پارلیمانی حلقہ اجیار پور کے صدر اسپتا ل میں 19 جون 2019 کو ہی پی آئی سی یو کی تعمیر کے لیے یہ رقم الاٹ کر چکے ہیں۔
رائے نے کہا کہ 'بچوں کی بہتر صحت کے لیے یہ قدم اٹھایا گیا ہے۔ پارٹی کے مغربی چمپارن سے رکن پارلیمان ڈاکٹر سنجے جیسوال کو اس سلسلے میں پارٹی کے دیگر اراکین پارلیمان سے رابطہ کرنے کی ذمہ داری دی گئی ہے۔'
بہار میں دماغی بخار سے بچوں کی اموات اور سرکاری اسپتالوں کے آئی سی یو کی کمی کے مدنظر بی جے پی اراکین پارلیمان نے یہ فیصلہ کیا ہے۔ اس بخار سے مظفر پور کے علاوہ ویشالی، سیتامڑھی، بھاگلپور اور مشرقی چمپارن سمیت کئی اضلاع میں بچے متاثر ہوئے ہیں۔
