جگدا نند کو آر جے ڈی کیلئے پرچہ نامزدگی داخل کرنے پر مبارکباد

آر جے ڈی کے سابق ریاستی صدر رام چندر پور وے نے ریاستی صدر کیلئے پرچہ نامزدگی داخل کرنے والے جگدہ نند سنگھ کو مبارکباد دیتے ہوئے کہا کہ ان کی قیادت میں 2020 میں آر جے ڈی اتحاد کی حکومت قائم ہوگی۔

آر جے ڈی کے سینئر رہنما اور سابق ریاستی صدر رام چندر پوروے نے پارٹی کے ریاستی صدر کیلئے پرچہ نامزدگی داخل کرنے والے جگدا نندسنگھ کو مبارکباد پیش کی ہے۔
انہوں نے کہا کہ میں نے آر جے ڈی کے قومی صدر لالو پرساد یادو کو کہا تھا کہ دس سال تک میں نے پارٹی کے ریاستی صدر کی ذمہ داری سنبھالی اب کسی دوسرے سینئر رہنما کو اس کی ذمہ داری دی جائے۔

انہوں نے جگدا نند سنگھ کی تعریف کرتے ہوئے کہا کہ جگدا نند سنگھ مین آف سسٹم ہیں۔ ان کی قیادت میں ایک کروڑ سے زیادہ پار ٹی کے بنیادی رکن بنے ہیں اور تقریبا تین لاکھ سرگرم رکن بنے۔رام چندر پوروے نے مزید کہا کہ جگدانند سنگھ کی قیادت میں ہم لوگ پارٹی کو آگے بڑھانے کی کوشش کریں گے اور 2020 میں تجسوی یادو کی قیادت میں آر جے ڈی اتحاد کی حکومت قائم ہوگی۔