ریاست بہار کے ضلع گیا شہر کے کوتوالی تھانہ علاقے کے گول باغیچہ محلے میں ایک شراب مافیا کے گھر پر پولیس نے بڑی کاروائی کی ہے۔
ممنوعہ شراب اورغیرقانونی اسلحے برآمد
پولیس کو خفیہ اطلاع ملی تھی کہ شراب مافیا راجیش یادو اور مہیش یادو تسکری کے لئے بڑی مقدار میں شراب کی کھیپ رکھے ہوئے ہیں۔
ساتھ ہی ان کے ذریعہ اسلحوں کی بھی سپلائی کی جاتی ہے ۔ خفیہ کی اطلاع کی بناء پرایس ایس پی راجیومشرا کی ہدایت پر سیٹی ایس پی راکیش کمار کی قیادت میں پولیس کی ایک خصوصی ٹیم نے چھاپے ماری کی۔
اس میں پولیس کو ملکی وغیرملکی شراب کی بوتلیں سمیت ایک دیسی پستول ، ایک دیسی تھرنٹ ، دوبم ، ایک لاکھ سے زیادہ نقد رقم برآمد کیاہے۔
سیٹی ایس پی راکیش کمار نے بتایاکہ خفیہ اطلاع کی بناء پرکاروائی ہوئی ہے ۔راجیش اور مہیش یادو کا پہلے سے مجرمانہ ریکارڈ رہاہے ۔ شراب کے کاروبار کے ساتھ ساتھ اسلحے کے کاروبار سے منسلک رہا ہے۔
